Tekst: Kristina. Foto: Kristina og Kari
Store og små i arbeid på kyrkjegarden
Sundag 10. juni hadde me dugnad på gamlevegen, kyrkjegarden og ved nyebrua over Idlegjelet. Nokre byrja på vegen i Truflateigen og rydda seg utover mot Storegroa. Resten av gjengen samla seg på kyrkjegarden. Her vart det planta blomar på gravene, vatna og heile kyrkjegarden vart raka.
Nokre tok saga fatt og andre rydda vekk kvistar og tre på Gamlevegen.Vegen var godt tilgrodd, men med litt rydding vert det bra!
Etter endt arbeidsøkt fyrde me opp grillen og hadde felles pylsemiddag ute i det fri, og sjølvsagt noko godt til kaffi etterpå. Nok ein triveleg dugnad, og mykje godt arbeid vart gjort. No er me snart klart for offisiell opning av nyebrua vår!
Grilling og sosialt samvær høyrer med når det er dugnad.
Badetemperaturen måtte prøvast, det heldt å stikke storetåa uti....
På kvelden var snikkarane på plass og sette på grinder på brua over Idlegjelet, så den er klar til beistaslepp.
Nyebrua over Idlegjelet har fått grind på kvar side.
|