Skidag i Nåsen!

Tekst: Kristina

Foto: Gerd Ingrid, Kari, Einar Magne, Trond Olav

Onsdag 27. mars arrangerte Grendalaget for andre år på rad, skidag på bakkane til May Ruth og Trond Olav. Sola skein slik ho har gjort i heile vinter, og temperaturen var nett passeleg.  Oppmøtet var imponerande bra, mange små og store møtte fram. Bålpanna vart fyrt opp, og me grilla pylser, koka kaffi, steikte lappar og kosa oss. Dei minste aka og leika i snøborga og dei ”litt større” tok sats på hoppkanten. 

Det gjekk nesten på helsa laus når den eine storkaren etter den andre skulle visa kva dei var gode for. Men heldigvis gjekk alt bra, og underhaldningsverdien var nokså høg!

I tillegg til hoppkonkurransen var det parallellslalåm. Her vart ikkje like mykje knall og fall, men flott innsats og mykje moro.

Til slutt var det premieutdeling, der både flotte diplom og sjokolademedaljar vart utdelt. Me hadde ein flott dag med mykje moro og triveleg lag!

Resultat frå hoppkonkurransen, samanlagt etter to omgangar:
1. Christoffer André Olsen   27,5 m
2. Endre Farestveit Jordalen  25,5 m
3. Jan Gunnar Jordalen   21 m
4. Aslak Angelskår    20 m
5. Roald Nåsen Neteland   19 m
6. Stig Erlend Jordalen   18,5 m
7. Anders Townsend   18 m
8. Lasse Olsen    17,5 m
9. Steven Townsend   14 m
10. Eirik Jordalen    13,5 m
11. Sander Nåsen Neteland   12 m

Resultat frå parallellslalåm:
1. Endre Farestveit Jordalen
2. Anders Townsend
3. Roald Nåsen Neteland
4. Sander Nåsen Neteland
Aslak Angelskår
Steven Townsend
Lasse Olsen
Jan Gunnar Jordalen