I høve jolepresangen frå NVE: | |
|
Helsing frå ordføraren
 Gode Jordøler!
I år fekk de, Holmen kraft og Voss kommune ei framifrå julegåve. NVE er positive til den planlagde kraftutbygginga i dalen. Det siste året har eg blitt godt kjent med prosjektet og det vil heilt klart ha store innverknader for heile dalen. Ja, me snakkar om framtida til dalen!
Det eg óg har lagt merke til er pågangsmotet og innsatsen de sjølve legg ned for å realisere ny veg. Det vitnar om eit sterkt ønskje om å oppretthalda eit levande lokalsamfunn. Den innsatsen treng me i det vidare arbeidet for å halde oppe framdrift i saka og eg skal gjera mitt for at OED gjer sin del av jobben.
På vegne av Voss kommune vil eg takka for samarbeidet i året som snart er omme, ønskja lykke til vidare i arbeidet med å realisera kraftverket og ny veg. Måtte det gå slik me alle ønskjer!
God jol!
Helsing
Hans-Erik Ringkjøb
Ordførar, Voss kommune
|