På grunnlag av dokumentasjonen som finst frå då brua i overbygget vart bygd i 1986, har Voss Kommune frå tysdag 24. april oppgradert vegen til å vera open for køyretøy med opptil 7,5 tonn totalvekt. Dette betrar situasjonen litt for folk og dyr i dalen.

 

 

 

Tunge køyretøy som mjølkebil, kraftforbil, slaktebil, tankbilane til brannvernet, dieselbil osv. kan framleis ikkje køyra gjennom overbygget, men ein kan no nytta traktor til transport av bl.a. fór og mjølk. Kraftfóret, som ein no må ta i storsekk i stadenfor bulk, med alt det ekstra arbeidet det medfører også etter at det er kome til gards, kan ein no køyra fleire sekker i slengen, i stadenfor ein og ein med bil og hengar slik stoda var før tysdag.

 

 

Mjølka, som vert transportert ut av dalen med traktor og tankvogn, kan no køyrast forbi rasstaden. Tidlegare laut transportøren rygga den over 1 km lange strekninga gjennom øvste tunellen og Gjelet ned til overbygget.