Me slepp slå ut meir mjølk | |
|
Me har framleis veg, inntil vidare
Oppdatert 24.04.12
Foto: Inge Einar
Geologen har no kome med sin rapport, og vegen er framleis open for køyretøy under 3,5 tonn. Det skal framleis gjerast observasjonar fleire gonger om dagen for å fylja med på om det rasar ut meir massar. Fleire av bøndene i dalen har i dag gjort fleire turar med bil og tilhengar og frakta ut kraftfor i storsekk, kraftfor ein elles får frakta til tuns og blåse inn i kraftforsiloane krev no mykje meir arbeid før det er kome på fórbrettet.
 Tine Vest har ein 2500 liter mjølketank for traktor som vert brukt til å frakta mjølk frå ein støl i Flåmsdalen om somrane. Denne er no henta ut til Jordalen slik at me kan levera mjølka ved rasstaden i Gjelet. Det lyt gjerast 2 turar kvar dag dei dagane det er levering for å få med all mjølka. Slangen på mjølkebilen rekk akkurat over det som etter utrasinga har vorte ei bru i overbygget.
 Mjølkebilsjåfør Leif Gunnar Ure har kobla slangen til vogna, og dei fyrste 2300 litrane kan pumpast over på mjølkebilen
Me prøver å oppdatera etterkvart som noko skjer.
|